拍節目前，主持混血肥仔畀幾個旅遊點古生選擇，睇下可以同大家去邊個景點，第一個就係拜四面拜。古生自己都去咗當然唔會再去，但就笑言當日已經好早去拜，估唔到都被咁多人影到。不過經過主持人介紹四個景點後，似乎都唔啱古生心水，反提意不如去超市買嘢先。
在超市買嘢期間，古生不停被身邊人要求集郵，此時就令主持靈機一動，要求古生接受一項挑戰，就係去位於曼谷最多遊客到訪的大型商場Central World，搭自動電梯上到七樓超市買任何一樣物品落嚟，途中冇被人欄截打卡影相就為之贏。
古生一口答應之餘，仲嫌製作人員遲遲都未開始拍，企到佢成身汗。然後一嗌開始，古生先戴上墨鏡及耳筒聽歌，然後就一個箭步飛入商場，一個轉身繞過途人，再一個飛撲上到自動電梯，仲未肯停，繼續成架特急列車咁直鏟上七樓超市。由於實在太快，連負責揸機嘅混血肥仔都跟唔上。
其實古生全程所耍的技倆，就係電影《功夫》上的絕學︰快！正所謂天下武功唯快不破！只要夠快就冇人可以截停自己求合照。不過去到畀錢，由於要排隊的關係，都被逼要停下來，呢刻亦係最有機會破功的一刻，但都被古生過關，最後仲以11分15秒完成整個過程。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
