Nathan本身是《造星V》十強參賽者，但決賽前夕，他被墮樓身亡的前女友Jessie家人爆料，指他分手後仍向女友借錢、又要求刪合照等。Nathan於決賽前半小時宣布退出比賽，自此一直神隱近八個月，今次突然在陳蕾演唱會上「復出」打鼓，令不少網民非議。不過見今晚Nathan狀態比頭場放鬆，打鼓時面露笑容，亦有與陳蕾互動。
陳蕾在台上感謝幾位《造星》仔仔有勇氣踏上舞台，說：「有兩個啱啱出咗道，不過冇咩經驗就比我捉咗上紅館呢個舞台。」又指：「節目係一時，但係友誼係一世，希望身體力行去支持呢一班小朋友。」非常長氣的她大爆自己第一場演唱會已被罰錢，正正就是因為講嘢超時，她又向導演喊話：「導演喺度講吖嘛，玩吖嘛，兩個鐘唔講嘢吖嘛？而家同你講到罰錢為止！」結果她果真非常長氣，講Credit講足37分鐘，至近23:40才唱出尾二一首歌《凡星》。
唱《凡星》前，陳蕾一聽到觀眾大叫「多謝你呀！」及舉起「多謝陳蕾」手幅時，終於忍不住缺堤落淚，自言：「我冇諗過會喺紅館流淚。」她透露推出《念》後，有朋友感謝她一直以來接住這麼多人的負能量，她也是在歌曲推出後，收到私訊才得知原來有很多人曾經想離開這個世界，令她非常心痛。不過她很慶幸自己有能力接住別人的負能量，以後會再透過作品把力量傳給大家。陳蕾流著淚唱完《凡星》後，換衫ENCORE，用木結他自彈自唱王菲的《夢中人》，演唱會在23:58落幕。
陳蕾爆喊連環圖：
本文作轉載及備份之用 來源 source: http://www.hk01.com
|
鍾意就快D Share啦！
|
|
|