昨日傳出鳥山明先生逝世的消息後，周星馳在其官方IG亦出Story悼念，而他選用的是當時《西遊‧降魔篇》（2013）在日本上畫時，邀請鳥山明親繪的孫悟空海報，而且對方更為電影點評，說是「銀河系最有趣！！」相當支持。
其實星爺於《功夫》（2014）在日本上畫時，都有拍攝一條宣傳片，為《龍珠》動畫在AINMAX頻道播出作宣傳。劇組不單找人扮演悟空，更與周星馳過招，仲做出絕招「龜波氣功」，非常有誠意。
《龍珠》漫畫在90年代開始風靡全球，1993年周星馳正在拍攝《唐伯虎點秋香》時，亦特別加入該元素。該片在推出日版DVD的製作特輯中，就請來星爺重提創作過程︰「由於故事設定在古代，有個空間畀你諗到冇雷公咁遠，好離譜好誇張嘅武功，龜波氣功都有，當然靈感是嚟自日本漫畫《龍珠》。」
雖然最終作品都算滿意，不過星爺就覺得去到尾段有點失控，太誇張，一味誇張誇張，做唔到適可而止。而更令他睇唔順眼，就係自己當時個身形。周星馳︰「我覺得我當時太肥，基本上係可以做王晶替身咁上下，其中一樣非常唔順眼嘅地方。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
