今日係3月9日，農曆正月廿九，宜掃舍、祭祀、除服，是日最旺生肖係兔，桃花旺，身邊出現條件不錯的異性令你心動。朱晨麗(朱朱)就係屬兔，之前佢就同富二代史昊洺共墮愛河，兼且同遊泰國，早排出席活動嗰陣，就畀好姐妹陳煒大爆佢紅鸞星動，好事近，仲預告佢出年派雙封利是，搞到朱朱口窒窒兼勁怕醜，不過佢自己就否認蜜運，仲話隨緣，希望可以快啲，朱朱今日桃花旺，如果真係有令你心動異性，真係唔好錯過。
今日幸運星係白羊座，異性緣超旺，今天有望遇上你的真命天子。視帝陳豪就係白羊座，出名係好老公兼好爸爸嘅佢，就話好感激老婆陳茵媺，為家庭放下事業，內心一直覺得虧欠老婆，認為爭佢一個「視后」，所以舉腳支持老婆再拍劇，而陳豪自己都好識做，每次返內地工作，都一定會掃勁多乳酪產品畀屋企人食，多到塞滿成個雪櫃，令人覺得窩心，話你遇上真命天子，其實一早已經出現咗啦。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
