有「最美小三」美名嘅南韓女星韓韶禧，因早前出席時尚活動時，嘴咬筆蓋幫粉絲簽名掀熱議，事後更喺娛樂圈掀起模仿潮。而內地「新疆四美」之一嘅迪麗熱巴，日前出席錄影時，就因咬住朱古力嘅關係，被網友質疑刻意模仿，更直指迪麗熱巴「東施效顰」。
日前出席節目錄影嘅迪麗熱巴，身穿白色襯衫襯黑長褲示人，一身霸道女總裁嘅利落造型備受好評，然而當迪愿熱巴離開時，就因為咬住朱古力餅乾，被網友指係刻意模仿韓韶禧，引嚟唔少網友批評：「一個是自然，一個看得出是特意的！」、「怎麼這麼油膩做作了？」、「雖然熱巴也滿美，但有點東施效顰的感覺。」但都有網友護航：「這也太牽強了吧？」、「一直在吃呀！你看得出來到上車，都短了一大截。」認為出名「為食」嘅迪麗熱巴，應該係錄完節目肚餓，食朱古力餅乾醫肚。
本文作轉載及備份之用 來源 source: http://hk.on.cc
|
鍾意就快D Share啦！
|
|
|