台灣女星林心如同徐若瑄向來姊妹情深，而隨着王力宏透過司法流程，並於25日正式為2人關係還一個清白後，同日林心如亦喺社交網晒出同徐若瑄嘅合照，2大女神嘅燦爛笑容認真冧到暈。
日前，林心如喺社交網晒出同徐若瑄嘅合照，只見2位女神打扮樸素低調之餘，仲齊齊素顏上鏡，嬌嫩肌膚顯得佢哋少女味濃外，林心如亦寫道：「已經算不清楚我們到底認識多久了，但不管多久沒見都有說不完的話，彼此關心打氣，我們都要好好的。」之後徐若瑄亦留言道：「我們下次要從送小孩上學後早餐開始聊到接小孩下課！」而林心如亦答應下次要大傾特傾。
事實上，林心如同徐若瑄可以話係不打不識，1993年林心如同林志穎拍《校園敢死隊》相識相戀；同年與林志穎合作拍電影《旋風小子》嘅徐若瑄，18歲嘅佢亦因自己係第一次拍戲，並因入戲太深愛上林志穎，甚至電影煞科2、3個月後，先叫做「放低」林志穎。由此可見，2人唔止喜好相近，就連揀男人嘅眼光都相似，唔怪得2人可以成為無話不談嘅好閨蜜。
本文作轉載及備份之用 來源 source: http://hk.on.cc
|
鍾意就快D Share啦！
|
|
|