無綫小花江嘉敏之前於無綫劇集《非份之罪》中首做「女足」，更向周星馳自薦拍《少林女足》，望挑戰拍電影，及後真的獲對方公司通知叫她等消息。對於現時星爺已開始於台灣進行招募，嘉敏接受東網獨家訪問時坦言還未收到通知，她笑謂：「冇喎！等我再sent多幾張足球相畀星爺先，冇理由，一定係佢呢排忙冇聯絡我啫！唔制呀！我要踢波，星爺我嚟喇！咁呢排我開工要袋住個電話先，唔係miss咗call就唔得，呢個係大好機會。」
此外，現時剛進組拍攝新劇《武林》的她為了角色駁了一頭長髮，雖然她很喜歡這個造型，但亦令她增添不少煩惱。嘉敏謂：「長髮都駁咗5、6個鐘，織咗好耐，出嚟效果係靚嘅，加上拍攝時會係夏天，我本身頭髮好厚，又噴好多噴髮膠，所以唔夠一個禮拜，啲洗頭水已經用咗半支，要分3部分嚟洗，而且夜晚瞓得唔好，好容易扯到啲頭髮，又會頭痕，總之又㾗又痛同埋我成日唔記得自己長頭髮，食飯夾餸時啲頭髮成日食晒啲餸。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|