▲黃子華解釋不是因為自己失落影帝而激動。
第42屆香港電影金像獎在昨晚（4月14日）舉行，當中《毒舌大狀》獲最高榮譽的最佳電影獎，可是此外在全晚卻沒有得到任何一個金像獎。當《毒舌大狀》全員上台領取獲最佳電影獎時，男主角黃子華表現甚激動，致詞時更有點哽咽，更稱：「由頭到尾我哋一個獎都冇，如果今晚我攞到獎，我將個獎送畀你，但而家更好結果出咗，多謝大家。」
會後，「子華神」黃子華在後台接受傳媒訪問解釋表示：「我覺得能夠攞到呢個獎，對我哋嚟講係最圓滿，佢代表咗我哋幕前幕後成組人，佢哋度咗幾多年，遇到幾多困難，每個部門嘅一個肯定。對我嚟講呢個都好緊要，而係咪票房好就係一部好電影呢？票房好都可以係一部好電影。我哋又知道以後嘅方向，要做一套好電影，唔一定要整死佢，票房好都可以，我覺得係一件幾開心嘅事。」
金像獎2024丨《毒舌大狀》奪最佳電影 導演吳煒倫：上下一心比得獎更重要
金像獎2024丨青雲喺度都冇運行
有網民覺得子華哽咽，是因為失落影帝而激動，他卻表示一早打定輸數，坦稱：「講真我係預咗冇嘅，頭先我係好緊張，因為到我嗰陣已經差唔多最後，都仲係一個獎都攞唔到，我就真係好想攞喇。因為我攞嘅時候就可以將呢個獎，內心諗如果我哋冇任何獎攞，阿Jack（吳煒倫）呢個你攞返屋企，我係希望咁樣。但係對我嚟講𠵱家係一個更好嘅結果，呢個係代表住我哋全體。」
大會原本安排劉青雲袁詠儀負責頒最佳男主角，可是他因病未能出席改由古天樂頂上。問如果由子華好友劉青雲頒獎獎，會否改變結局，子華稱：「唔關事㗎青雲，有青雲喺度我都冇運行㗎啦，有青雲喺度我死多兩錢重，咁多影帝。因為我覺得呢一套戲，我係睇住佢孕育嘅過程，佢哋付出嘅努力，點都畀一個獎掛，有一個掛，到我嗰陣都一個都冇啊。」
金像獎2024丨心情如坐過山車
同時，子華補充稱：「到最後呢個戲劇性真係玩得太大喇。我諗都好少攞最佳電影，係其他任何部門冇攞過一個獎喎。對我嚟講呢個戲劇性太大喇，我真係有少少負荷唔到，所以有少少激動。可能個人年紀大，都容易激動。」
他之後在慶功宴再稱心情如坐過山車，但已稍為平伏，並半開玩笑稱：「因為聽唔明是枝裕和講咩，本身打算走，直到見到佢哋啲反應。」他補充說：「見到套戲一個獎都冇，當頒男主角獎，我心想︰『可唔可以畀我上台攞個獎。』我好想送畀導演，好想個獎代表呢套戲所有人，但冇囉！朝偉攞獎，佢係應得嘅。我哋唔好運就冇囉，點知收尾又有，仲要係團體獎，好開心。」
金像獎2024丨子華力撐吳煒倫
事實上，子華十分愛錫《毒舌大狀》導演吳煒倫，補充表示：「剛才冇機會講，就係拍嘅時候，導演、編劇搵咗一個真正大律師嚟現場，睇下每句對白，每句律師都話唔合符法律精神，導演就話合符的話會唔好睇，雙方不停嗌，一部咁嘔心瀝血作品，點可以一個獎都冇，我嘅緊張，因為導演、編劇好值得攞個獎。」
子華更說︰「佢拍完呢套，仲未有下一套，都係好鬼窮，我同佢都係掙扎求存中。有人叫佢開拍第二集，佢堅持唔拍續集，寧願拍其他題材，佢咁堅持係要值得支持。」
最新影片推介：余香凝專訪
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|