今日係4月25日農曆三月十七，幸運星係金牛座，愛情運最強，有心儀對象者不妨嘗試表白。金牛女莊思敏近年中港兩地走，甚至捐窿捐罅四圍直播，早前佢應邀到日本出席活動，5日行程快閃大阪、京都同神戶，唔單止豪玩豪食，仲被安排入住「七星級」酒店，莊思敏你成日都去唔同嘅地方，認識唔同嘅人，如果有合心水要勇敢表白呀。
日前，「拜金港姐」蔡嘉欣（Kayan）舉行29+1 Aerobic主題生日派對，作為好姐妹嘅莊思敏以休閒運動服飾，配上螢光綠西裝外套現身，十分搶眼。期間，莊思敏更化身做攝影師，一手揸機影相，另一隻手打燈，幫壽星女同其他好友們影靚相，仲留言話：「你看我多努力」，一句怨言都冇，果然姐妹情深。
至於是日最旺生肖係馬，事業上敢於接受新挑戰，易取得突破。陸劇古裝男神成毅就係肖馬，去年憑劇集《蓮花樓》而人氣飆升，上月佢同李一桐再次合作，拍攝新劇《狐妖小紅娘王權篇》，劇集花絮亦隨之曝光，並大晒唔同時期嘅造型，唔少網民睇到之後，都紛紛表示男帥女美。而成毅早前為護膚品直播，短短半小時就賣出300萬人民幣銷售額，可見佢嘅人氣同吸金力有幾強，如果成毅拍時裝劇，相信有唔少粉絲都會好期待。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
