▲鄭丹瑞表示，走塑對自己來講不是問題。
我是一個不太愛叫外賣的人，早餐我選擇在家吃，除非有工作在身，我就會找個地方，叫杯咖啡、吃件餅，然後開始寫稿寫劇本。由於近十年已經少拍外景，所以午餐很少吃外景飯盒，無論如何，午飯時間都找一個有瓦遮頭的食肆，尤其是我不喜歡夜晚開工、開會，所以，我通常會在午餐前後開會，順便來一個工作午餐。至於晚餐，我一定回家吃，我有一個不成文的約定：一個月外出吃晚飯的次數，不能多過四晚。因此，「走塑」對我來說，不是問題。
「我十年前開始，已經自備筷子匙羹。」好事之徒說：「你哋嗰陣時仲笑我，話我學人環保，依家你哋咪個個都要學我自備筷子匙羹？！我有時都要讚吓自己當年嘅高瞻遠矚。」這一點，一眾損友不得不被迫同意，好事之徒的確有遠見，早早就已經罵我拍戲訂了太多飯盒，相當不環保。對於這方面，我很難控制，因為人人都專注拍攝工作時，誰還會有時間記得自備匙羹筷子？甚至自攜便當？！
「曾經有一段日子，我都試過自己帶筷子匙羹，但係每次攞出嚟用嘅時候，總會俾人投以異樣嘅眼光，所以堅持咗一陣，就放棄咗。」損友甲說：「依家就唔同啦，我可以攞番晒啲筷子匙羹出嚟，堂堂正正喺大眾面前用。」「呢邊就開始走塑，推動環保，但係八月開始，人人要用政府指定嘅膠袋，其實呢啲要俾錢買嘅膠袋，環唔環保㗎？」損友乙問。「呢頭係走塑，嗰頭係追數！明唔明？」好事之徒答。
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
本文作轉載及備份之用 來源 source: http://topick.hket.com
|
鍾意就快D Share啦！
|
|
|