▲郭珮文不再發呆
被譽為新一代「最強Body」的郭珮文（Juliana）跟陳懿德被安排於《福祿壽訓練學院》 任主持，昨晚播映的一集，二人的造型再度成為焦點！
郭珮文以眼鏡娘黑絲造型登場，至於德德(陳懿德)繼扮人肉獎座後，她昨晚化身為「黑面黑板」，雖然要犧牲靚樣，惟網民認為德德的「多變造型」幫助其建立特色及風格。
福祿壽訓練學院丨郭珮文陳懿德化身人肉獎座 Juliana舉「金電視」十數小時考十數小時
德德幫Juliana打圓場
不過李思捷則繼續啄住Juliana問到：「你係咪收買咗製作組？上次德德已經好慘，今次仲慘到做黑板，但你就做靚靚miss，到底發生咩事？」未知是否被殺個措手不及，Juliana全程面有難色係咁「Er」。
此時德德見狀即幫忙打圓場說：「唔係，係我叫製作組做一啲不同的造型」，不過卻遭思捷喊停：「Juliana你講句嘢好冇呀？」此時，Juliana即一句KO思捷及全場所有人：「其實Professor Sau，你係咪嬲我呀？」思捷聞言亦醒目接招：「我哋依家做緊節目，我嬲唔嬲你完全無關。」精彩對話贏得全場掌聲。
暖心德德常為拍檔解圍
過往德德也曾幫Juliana補鑊，某次思捷準備淘汰其中一位隊員時，他故意說：「都要啲唔識講嘢嘅Cue我」，被暗示接話的Juliana卻未能接上，思捷只能笑言：「佢堅持唔問喎。」
在身邊德德見狀，邊連忙幫忙打圓場：「唔係啊，你可以㗎啦，你可以揀一個淘汰㗎啦。」同時嘗試提醒Juliana，李思捷繼續問：「即係佢堅持唔問？」這個時候郭珮文才「醒過來」說：「唔係，唔係！會問問問問問。」
郭珮文立即補充說：「唔好意思啊，但係要淘汰一個人啦，你揀好未啊？」李思捷見她終於「回魂」就說：「你真係講得好嘅啫，我就係要你講呢句之嘛。」終於回魂的郭珮文立即露出尷尬的笑容。
做節目不時「天然呆」的Juliana喜歡騷下身材，正身處峇里的Juliana今日分享數張旅遊照，穿上三點式的她於野外浸水降溫，火辣身材再成焦點！
最新影片推介：
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|