▲文頌男（Koba）積極抗癌！
主持J2節目《不正常愛情研究所》的文頌男（Koba）在去年12月自揭有大概6×6×4cm的惡性腫瘤在椎間近盤骨附近位置，屬罕見病症，已停工休養正接受治療。
一直以來Koba樂觀抗病，亦在社交平台分享其抗癌點滴，可是他在3月27日透露最近病況，指醫生宣告顯示Koba接受5次化療無效，而且腫瘤沒縮小反變大，令其大受打擊。
Koba自抗癌起都收到不少網民的關心，他最近慨嘆：「自從我病咗之後，好似由感謝大家，變咗服務大家。」
抗癌勇士丨文頌男透露將做電療對抗癌細胞 Koba感激同行關心伸出援手
冇覆網民私訊被鬧
Koba指自己到源源不絕的私訊，更因未有回覆部份網民的私訊而被鬧，相當陰公！他寫道：
每個人都希望我回覆佢，我唔回覆佢嘅話甚至喺我直播上面鬧我。我知大家都好想同我做朋友，而其實我都好歡迎同大家做朋友，我都嘗試盡量回應晒大家嘅DM，尤其一啲有用嘅資訊，我係好感謝大家提供畀我。
奈何實在太多太多嘅訊息，我實在冇辦法回復得晒，尤其是最近呢排每日都痛，根本分散唔到注意力去回覆大量嘅訊息，喺到同大家講句唔好意思，我知道大家都好熱心好關注，我已經收到大家嘅心意，即使我未必可以及時回覆，但我都會盡量睇晒大家嘅DM。
他指網民們對他在飲食上提供不少建議：
大家畀咗無數咁多、唔同嘅建議我。有啲人又話某啲嘢唔好食，有啲人又話某啲嘢應該食。
我食親啲咩都話唔應該食，好似就嚟冇嘢係可以食，就嚟係咩都唔食得。咁我到底應該食啲乜嘢呢？
大家建議我食素、戒呢樣戒嗰樣，我都只能夠盡量執行，同我屋企人講聲不如煮呢啲啦。
最新影片推介：吳家樂專訪
Koba：希望大家可以畀多啲空間我
Koba表示相當感謝網民對他的關心、支持，並道出抗癌者心聲：
我真係好感謝大家對我嘅熱心同關心，除咗收到你哋嘅捐款之外，仲有一啲膳食補充劑去幫助控制我嘅病情，冇你哋嘅支持我未必可以走到嚟而家呢一步，我對於以上種種嘅支持同關懷表示感激，多謝大家！同時都希望大家可以畀多啲空間我，體諒一下我。
同病魔搏鬥係好辛苦、好困難嘅一件事情，希望大家繼續幫我集氣，打倒呢個大魔王！
網民：根本都唔知有咩好鬧
Koba發文後，不少網民也留言指他應專心照顧好自己、不用回覆私訊，「唔好比啲無謂嘅嘢影響心情，專心去打贏呢場仗就得」、「根本都唔知有咩好鬧」、「你唔好理啲無理取鬧嘅人，最緊要自己覺得舒服就可以」、「身體緊要，有懷疑問返專業人士意見」。
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|
