▲陳惠敏接受資深傳媒人汪曼玲訪問。
在電影《古惑仔》演駱駝的79歲武打影星陳惠敏在2020年中風兼患有肺癌，經治療後已戰勝病魔，康復情況理想。
不過，日前陳惠敏接受資深傳媒人汪曼玲的網上節目訪問時自爆，在3年前曾患上腦癌，幸已經痊癒。
落樓梯覺頭暈
雖然惠敏哥曾患大病，從影片所見他精神不錯，仍然中氣十足，回憶說：「3年前因為cancer令身體弱咗好多，我而家醫返好，冇事㗎喇。但係最近呢半年又輪到對腳，我而家兩邊腳都換咗髖關節，換咗幾個月，因為行路平衡唔係咁好，所以行路都拎拐杖就下啲力。」
惠敏哥續指：「有一輪我喺屋企落梯都覺得有啲暈暈哋，成日覺得有啲唔妥，點知有一次落樓梯之後，突然成個人暈咗，之後咪去醫院檢查，檢查完之後，發現個腦有粒好似綠豆咁大嘅嘢，影響咗成個人，有時候會覺得好唔清醒。」
直言：話唔驚就假
他感恩激遇上一位好醫生，而且連化療和電療都不用做，說：「醫生話1000個人都冇一個好似我咁，因為我運動底子好，我剩係打針同食藥，連標靶都唔使做，只係每20日返去醫生度吊針，吊咗差唔多一年，每吊一次都要7、8萬，都用咗好多錢，用咗百幾萬，不過而家健康好番，冇乜大礙。」
惠敏哥坦言：「話唔驚就假，係人都怕死，點會諗到個腦會有cancer？嗰陣係好嚴重，成日暈，睇嘢又睇唔清楚，因為係喺右邊個腦發現，影響咗左邊嘅身體，所以我而家都有少少唔係咁靈敏，仲有啲痺，仲試過冇乜力。」
感激家人支持
他並多謝家人的支持，說：「嗰陣辛苦我太太，仲有自己都諗唔到，後生嗰陣咁強壯，講句牙擦啲，真係打勻東南亞，點解老咗會變成咁呢？冇辦法，年紀大，年齡控制住你嘅機能，我都就嚟80歲，醫生都話好好，腦癌咁嚴重都醫返好，算係一個奇蹟。」
可是另一方面，惠敏哥的腳在近半年出現問題：「可能我後生打架多，又練武，搞到對腳嘅軟骨冇咗，行路非常之痛，最近幾個月就做咗一個髖關節手術，換咗一個金屬落去。」
最新影片推介：周家蔚專訪
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|