▲陳自瑤好姊妹連詩雅任《香港婚後事》嘉賓。
由陳自瑤（Yoyo）、賴慰玲（Winki）、黎諾懿及羅天宇主持TVB節目《香港婚後事》，第4集嘉賓是陳自瑤好姊妹連詩雅（Shiga）。
為好好照顧懷有6個月身孕的Shiga，諾懿與天宇窩心合力炮製營養豐富又均衡的營養餐給Shiga品嚐，天宇更大晒不為人知的煎魚神技，令Shiga大感驚艷。
香港婚後事丨羅子溢揭與楊茜堯姊弟戀真相 陳自瑤講出軌話題特別肉緊
造人成功在計劃之內
結婚半年左右便造人成功，Shiga坦言是在計劃之內，並謂到現在仍只有她和老公陳家樂知道BB性別，連老爺奶奶也不知道。
談到得悉懷孕後心情，Shiga坦言由於當時激動過籠，破壞了原本安排好給家樂的驚喜：「佢放工返嚟打開門，我就喊到傻咗，嚇到佢…」Shiga又透露當家樂得悉將做爸爸後，回了一個反應令她大感意外，並透露家樂直到產檢一刻才落下激動的淚水。
Shiga續指，家樂自始變成緊張大師：「就算今日嚟拍嘢，佢都會問：『咁你使唔使行山、安唔安全？』」
Yoyo即忍不住在旁補充：「連去廁所都要摻扶架。」Shiga聞言更正：「沖涼！沖涼！」又謂即使處理家中狗仔大小便，家樂現在也變成「爭住做」：「我係覺得有啲感動，你會見到佢真係有個轉變、好似成長咗咁。」Shiga又分享了老公的「男女有別湊狗」大法，並笑言家樂將來一定是嚴父。
阿賴做媽媽後變「大喊十」
今晚一集繼續氣氛熾熱，主辯雙方大致分為「夢幻派」Shiga及「緊張大師」諾懿及阿賴。
小時候目標是生4個小朋友的Shiga，坦言不害怕生小朋友會影響夫妻感情，阿賴及諾懿聞言即大撥冷水，並異口同聲指自己已有6年「冇好好咁瞓覺」。
之後，諾懿更訴說升呢爸爸後的各種可怕經歷：「我（老婆生）第一胎嗰時，我頭十日有幻聽，成日feel到有小朋友喊…。」之後還指女人生得B多會甩頭髮，嚇到Shiga大叫「好驚」，Yoyo見狀邊抱著Shiga邊教訓諾懿。
阿賴則忍淚自嘲兒子出世後慘變「大喊十」，除第一次見到兒子時感動爆喊，兒子所有的「第一次」都能令她落淚收場，包括第一次將飯放入口，相當誇張。
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|