▲Sammi透露去年患病原因。
樂壇天后鄭秀文（Sammi）去年確診新冠肺炎，因此取消了去年原定7月舉行的紅館演唱會，押後直到今年7月再復辦。
自此Sammi專心休養，不過近期已積極操練身體，為7月個唱做好準備，早前現身金像獎頒獎典禮擔任頒獎嘉賓，見其狀態不錯，令一班粉絲放心晒。
芷珊約您丨許志安感激鄭秀文陪伴及寬恕 安仔拋「男人核心論」:要勇敢面對所有嘢
病足大半年長時間唞不到氣
近日她上電台節目《叱咤樂壇》接受訪問，透露近況和宣傳新歌《心魔》。談到其身體狀況，她憶述去年確診的時期，經常唞不到氣，故入院了做了一個詳細檢查：「發現身體一氧化氮嘅指數好高，因為發炎指數好高，成條喉嚨同埋氣管發炎得好緊要。」
她又指長時間唞不到氣，全因沒有對症下藥，最後全靠中醫調理才康復。
Sammi表示病足大半年：「但係唔係每日都病奄奄嘅，有好多時間我都係裏面嘅體力好差。」
為演唱會推工作
為了即將舉行的7月演唱會，Sammi自言推了很多的工作，一心一意只想做好這件事情：「其實自己覺得使唔使咁癲做個演唱會，我覺得有陣時人生就係有呢一份癲，乜都唔好理。其實呢段時間有好多嘅job，同埋好多其他嘅機會，好多嘅收入，我淨係覺得要做好一件事。」
飛到泰國拍MV
另外，Sammi推出新歌《心魔》，今日MV正式上架，今次更是其飛到泰國進行拍攝，亦是她首次到當地拍MV，而且導演Kero、拍攝團隊、40位舞者和排舞師都是泰國最頂尖的陣容，加上分別在舊式劇院和郊外的校園取景，Sammi表示MV每一個畫面，都能震撼入心！
「其實好多唯美嘅畫面，亦有勾畫心魔嘅意境、意象，呢啲意象都係用人嚟堆砌，我哋搵咗40位Dancers去拍攝，即使係一個好簡單嘅動作，人多動作又齊整嘅時候就有一種好強大嘅震動感覺。歌詞好容易令人進入歌曲情緒，所以好拍到《心魔》嘅主題。」
獨特造型 用心打造
MV中，Sammi有不少獨特造型，其中一件大褸因為重量十足，令Sammi舉步難行，另外身上的紋身貼紙，要花上近四十五分鐘剪貼，每一個造型、細節都非常用心。？
問到她拍MV最難忘是那個時刻和造型？她說：「每一個時刻、每一個場境我都好鍾意，導演處理每個場口和細節，燈光和意境都好唔一樣，再加上我為咗呢個MV做咗好多造型，營造氣氛，完全揀唔到，每一個場景我都未拍過，就連類似都未試過，所以感覺好新鮮。」
最新影片推介：方太專訪
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|