▲梁思浩揭《東張》報導何伯事件背後真相！
TVB《東張西望》報道忘年夫婦何伯與「新何太」成為全港熱話，近日梁思浩與吳家樂以及梁銨庭主持網上節目《娛樂好好玩》亦以「何伯之乿」作為話題，90年代曾擔任《城市追擊》主持的梁思浩，以過來人身份剖析TVB報導此事的真相！
節目中，梁思浩稱《東張西望》跟《城市追撃》出自同一名導演，根據以往製作節目的經驗，認為《東張西望》對「何伯事件」最初只當「細料」做，只因當時只派採訪經驗不豐富的魏柏豪去採訪。
《東張西望》靠何伯創今年收視新高 佘詩曼《家族榮耀之繼承者》吸引158萬觀眾收看
東張西望何伯丨何伯逛街市買餸打破入院傳聞 新何太：我哋好恩愛何來嗌交
東張西望丨最初只當「細料」做？
梁思浩以當年做《城市追擊》為例，說：「大嘅料，穩打穩紮一定出街嘅料，當年會搵安德尊、我或者智叔去做，因為我哋出去拍，一定要畀騷錢架麻，所以一定會出街。如果單料有機會唔出，就會搵𡃁妹𡃁仔去，我哋《城市追擊》都有第三代、第四代和第五代。」
所以當年梁思浩、安德尊或祝文君負責訪問「大料」，由此思浩續說：「拍咗唔出街嘅，就叫人頂住先啦，拍完返來睇下好唔好睇再決定，所以以我分析呢單唔係大料，因為搵咗個男仔拍，後尾大咗啦就搵梁敏巧啦，已經轉咗架啦。」
另外，說到梁敏巧訪問何伯夫婦時，「新何太」被安排坐於何生和梁敏巧中間，網民認為是刻意「隔開」。梁思浩讚TVB做法為保障主持人：「城市追擊嘅導演好小心，因為有機會遇到傻嘅人，所以安排時會在耳邊跟我哋講『坐開少少』，我對Cut就得架啦，怕佢癲起上來襲擊我哋。」
吳家樂笑說：「或者捽錯大脾」思浩附和：「所以要讚《東張》，怕有咩事會影響主持，所以中間隔咗個人，因為我哋面對係陌生人。」
東張西主丨為新何太洗白有原因
同時，外界覺得《東張西主》最後偏袒「新何太」，梁思浩就以當年「鄧氏爭產案」為例子解釋胄後原因，當年《城市追擊》相對《今日睇真啲》較為偏幫祥嫂，跟「新何太」情況一樣。
他續說：「咁又均真啲，無話幫唔幫邊個，你日日夜夜都要用祥嫂，祥嫂一亳子都無收過你噃。但係又牽涉埋其他人，因為要對付啲仔女，個邊《今日睇真D》訪問十三姨同仔女又掟野，你又要訪問番佢，佢有權唔理你，所以我地要mark住祥嫂。」
東張西望何伯丨梁敏巧撐何伯非戀愛腦 暗示仔女會現身《東張》？
東張西望丨為攞料要想辦法氹祥嫂
梁思浩直言目的為「攞料」，他說：「佢唔係簽約藝人，佢唔一定要幫你拍架，我哋成日要去氹祥嫂，所謂氹就係：『祥嫂呀，兆尊小艾個邊咁講你呀』，佢話『我唔想講呀』；『唔好啦，講啦，咁樣對你唔好公道』，佢又話『你幫佢哋』，『唔係呢，我幫你』，係要氹架。」
吳家樂在旁即笑言：「唔合新何太心意，佢可以唔做你獨家訪問。」
之後，梁思浩坦言TVB與新何太今次是「雙贏」，他解釋：「如果新何太同何生覺得《東張》企佢地個邊，覺得《東張》幫佢地，佢咪企《東張》個邊先？其實雙贏，《東張》嬴收視，何生有發言權，有成間電視台撐你。」
最新影片推介：方太專訪
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|
