內地女星范冰冰，雖然受逃稅風波影響被內地點名為「劣迹藝人」，不過人氣高企嘅佢喺國外依然相當馨香，繼4月獲邀擔任泰國潑水節女神後，近日更以親善大使身份喺馬來西亞大歎榴槤，唔止換上當地傳統服飾「娘惹服」，仲難得高歌獻唱，現場氣氛認真熱烈。
日前以親善大使身份走訪馬來西亞馬六甲州嘅佢，大歎當地美食體驗當地風土文情嘅同時，亦相當盡責咁喺社交網不斷Po靚相，接連換上多套風格不一傳統服飾嘅佢，唔止將「娘惹服」嘅優美展現得淋漓盡致，修身嘅服飾剪裁更將佢玲瓏浮凸嘅身材展露無遺，繡花設計加上佢嘅出眾氣質，更係增添優雅風情及古典魅力；此外，心情大好嘅范冰冰，更罕見地晒出高歌片段，只見瞇眼深情唱《後來》嘅佢，聲音優美動人之餘，結束後范冰冰亦不忘笑住用英文道謝，親民互動絲毫唔見有巨星架子。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
