製作人王家衛執導及監製嘅電視劇《繁花》爆紅，今個月都剛喺翡翠台開播，當中嘅主演如胡歌、唐嫣、辛芷蕾、馬伊琍、鄭愷等個個人氣急升，劇集亦被提名大量劇集獎項，氣勢如虹！挾《繁花》威名，今日（12日）胡歌暌違6年後再訪台灣，將出席青年活動，佢抵達松山機場時，機場大廳已被不少便衣執法人員維持安全。
胡歌於11點左右抵達松山機場，佢一出境就受到大批台媒包圍，媒體擠成一團，加上現場仲有其他粉絲守候，萬人空巷場面極為壯觀。佢一路開心微笑、一路同大家揮手打招呼，聽到《繁花》喺台灣大受歡迎，佢都笑說：「聽說了，非常開心。」又話好掛住大家。
暌違許久赴台，胡歌話好多美食想食，又話台灣比上海熱，今次佢行程緊湊，都冇時間同好友林依晨、林熙蕾見面，又話好期待到台灣拍戲：「有太多想合作，我的幾位好友已經很多年沒合作了。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
