台灣女星張鈞甯，自2002年出道至今拍過唔少膾炙人口作品嘅佢，近年轉戰內地發展，演出多部古裝劇《武則天傳奇》、《如懿傳》等，精湛演技成功喺內地打開知名度，精緻靚樣更係圈粉無數。而早前，隨着端午節嘅到來，佢亦喺社交網晒出素顏食糉嘅生活照，並向廣大網友問道：「鹹糉還是甜糉二選一」，只見素顏上鏡嘅佢，雖然皮膚飽滿紅潤有光澤，仲緊緻到猶如少女般毫無皺紋，白滑美肌震驚唔少網友，不過露出光滑飽滿額頭嘅佢，就似乎有髮線後移嘅危機，引嚟唔少網友留言道：「有點禿的感覺。」、「額頭好高。」、「保護好髮際線！」、「姊這是禿了也太光…」；但亦有唔少網友留言道：「只有你敢素顏，超漂亮的。」、「女神太正了！」、「好漂亮呀，大美女！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
