組合草蜢成員蘇志威孖太太劉小慧結婚多年，肓有25歲大女Yumi同16歲細女Ina，Yumi曾經去過日本學整甜品，學成歸來依家開咗餅店創業同開班授課。而佢嘅偶像天后容祖兒將於本月16日過44歲牛一，佢親自整蛋糕為偶像提早慶生！佢尋日（8日）喺社交網大晒生日Paryt嘅相，留言：「要將呢一晚記錄在案。咁多年話整話整，都未送真係到過蛋糕畀你，今年終於有機會！」祖兒亦有大晒合照表示：「多謝蘇志威生了一個咁乖乖嘅女兒。」
Yumi大爆容祖兒飲到有啲醉意：「這位女士話咁快就醉醉哋，黑圖就有幾張不過就唔同大家分享好彩嘅喺醉醉哋之下都唱番首《九秒九》，live就是好聽，我都可能飲咗兩杯就壯膽，喺原唱同MV主角面前唱《鏡子說》，哈哈，不過能夠同我偶像一齊唱歌真係開心。」網民大讚Yumi靚女生得同媽媽餅印一樣、「阿yumi好靚女」、「蛋糕好靚呀，yumi靚女又乖巧」，仲有同容祖兒送上生日祝福添！
本文作轉載及備份之用 來源 source: http://hk.on.cc
|
鍾意就快D Share啦！
|
|
|