今日係7月10日農曆六月初五，是日最旺生肖係虎，桃花旺，好姻緣逼近身邊，不要錯過。肖虎嘅內地流量男星王鶴棣同女星田曦薇所主演嘅劇集《大奉打更人》，早前終推出全新預告，即吸引到大量網民點讚，而二人於片場時嘅互動花絮亦隨之曝光，唔少網民見到之後，都大讚佢哋嘅CP值高，從而令劇集預約量急升近300萬人預約觀看，話王鶴棣有好姻緣逼近身邊，莫非就係指田曦薇。
日前，王鶴棣於長沙為品牌舉辦宣傳活動，人氣強勁嘅佢吸引到逾千粉絲到場力撐，逼爆三層商場，有部分粉絲更於活動前5小時到場霸靚位，望能目睹偶像一面。而向來寵粉嘅王鶴棣到場後，不時同現場粉絲揮手，十分親民。
至於幸運星係處女座，意中人出現，放膽表白，有望迎來好姻緣。馬來西亞視后劉佩玥（Moon）就係處女座。佢有份參演嘅劇集《執法者們》早前已經煞科，近日Moon就係社交網上載多張佢係船上影嘅靚相，而日前佢曾受訪時透露，希望大家將注意力，放係佢嘅演技上，直至結婚先會公開另一半，Moon如果真係遇到心儀對象，要放膽表白主動出擊呀。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
