基哥日前在演唱會記招上，談及自己身邊有不少狂風浪蝶埋身，甚至有人自薦做其女友，不過他為了不想讓囹圄裡的Chris擔心，於是每次探監都求婚，「我而家都係對住燈火講，我每次入去探佢都好認真同佢講，『嗱！你嫁唔嫁？嫁！OK！出嚟就嫁我喇！』呢個我唔會食言，我絕對會娶佢 。」有不少朋友都曾問基哥何不一早結婚，他坦言：「講真其實之前佢對我都唔係百分之百有信心，我對佢亦都唔係百分之百信心，但係經過呢單嘢之後，大家都100%，好事嚟㗎。」就連身邊朋友都相信，二人經此一役感情定必昇華，打風都打唔甩。
然而他說Chris有時睇到一些有關基哥與自己的負面報道，都會變得心情低落，表示：「有啲人喺度估計『佢（基哥）肯定唔要佢㗎」佢個心情係好低落，亦都會驚因為佢喺裡面見我唔到，又唔知我喺出面做乜，你知我哋呢行花花世界，接觸女性嘅機會好多，所以佢會驚，所以我應承我每日朝頭早一定要俾佢見，可以令到佢心情定返啲，同埋對我信心大啲。」雖然未判刑時可以日日探望，但上月Chris的案件已正式定罪宣判，探監日子減至一個月僅得兩次，二人見面時間大減，想必很難適應，基哥說：「我都難適應，呢個真嘅，唔緊要啦，現實你要接受。仲有，凡事，唔好嘅嘢一定會過去，而家都唔係話個天冧，只不過短時間內佢有佢嘅環境生活，我有我嘅環境生活咁解，唔可以兩個環境一齊，但好快嘅啫！我成日都對自己講，好快！好快！」
過往聽聞過不少人在獄中結婚，問基哥曾否考慮藉此舉帶給Chris更大信心，原來二人曾經嘗試，惟未能成事，「問過晒啲律師，律師話佢唔係香港人，唔得㗎。」外間最好奇的，一定是Chris的牢獄生活，他透露：「佢自己都話喺裡面並非想像得咁惡劣，當然初初梗係，係人都好難接受。」坐牢的日子生活千篇一律，Chris只得不斷寫信，因為那幾乎是她與外界的唯一聯繫，基哥說她天天寫，目前已寫了130幾封：「佢每日都有好多時間，需要喺文字裡面宣洩一下。」
披露Chris獄中生活 寫百幾封信常分享讀書心得
講到獄中生活枯燥乏味、每日如是，到底寫信有什麼可分享呢？基哥就說，自己買很多書畀Chris閱讀，每次都經過精挑細選，盡可能揀些教她做人道理、如何面對困難的書籍，「有好多正能量嘅書，或者前人唔開心嘅書，講佢哋點樣可以恢復過嚟。我記得我特登揀咗一本，有一位紐西蘭嘅男士，佢天生出嚟就冇手冇腳，點解人哋咁辛苦都可以好快樂咁生活，我哋呢啲小小嘅痛楚，點解唔可以面對呢？佢一睇完之後，個人嘅思想同埋做法已經唔同晒！好多時佢直程喺封信入面寫讀書心得，寫兩句我睇。」
但反過來，原來基哥則不太常寫信，還表示：「佢日日睇到，冇意思，另外可以咁講，唔係咁矜貴。間中收到一封佢都話，哎呀，我收到你封信好高興好高興，等耐少少。」至於信件內容，基哥說自己無論探望對方式或寫信時，都盡量不想令對方情緒起伏太大，只希望Chris心情平復地度過這段日子，他指：「我寫都係抄啲歌詞俾佢。（你自己嘅歌？）我搵啲正能量嘅歌，譬如『斜陽裡，氣魄更壯…』或者係『前望，我不愛共懷舊…』，我最記得係我寫咗一首《情義兩心堅》。」
哭談探監心痛時刻 指王青霞已覺悟知錯
Chris被捕前跟基哥形影不離，無論是出席朋友飯局或是工作，她都一樣陪伴在側，現時就算見面，都只能隔著一塊玻璃，通過話筒來溝通，要基哥憶述探望時有沒有哪一幕最深刻畫面，他說：「唉其實，每次入去見到佢……」然後便立即忍不住眼淚，雙眼通紅，語塞十多秒後才哽咽吐出一句話：「其實每次都係……」然後再過了十秒，他稍稍平靜情緒謂：「因為佢一向都係嬌滴滴，咁樣一下子去到一個咁惡劣嘅環境，一諗起就心痛。」他說出「心痛」二字時，甚至聲線仍抖震著。
他知道有YouTuber形容自己在牆外風花雪月，他不否認，相反Chris則在另一個環境過著循規蹈矩的生活，不過基哥亦只能安慰自己說，這段時期的修煉，或許也能為女友帶來一些正面影響與改變，「凡事未必全部係負面，好似佢而家咁入去，所有做嘅嘢都係循規蹈矩，有晒規矩，可能學到自己自律呢？同埋佢都同我講，喺裡面諗好多嘢，諗返以前，話自己點樣點樣唔啱，但係而家完全唔同，所以好可能經過呢段咁嘅時間，出到嚟之後個人完全唔同。」
Chris先被還押在大欖女懲教所，判刑後轉到羅湖懲教所服刑，基哥說大欖的環境比較嘈吵，說話較難聽見，但羅湖就比較清靜，傾偈都方便一點。不過他之前日日去大欖探監，期間認識一位釋囚，也分享了一些具啟發性的見解，令他更感受到「知錯能改，善莫大焉」的真諦，基哥說：「呢位朋友好老實同我講，『我以前成日喺監獄出出入入，你睇我而家，我完全係一個光明正大嘅男子。我出到嚟，我唔怕你知我過去 ，但係我而家係徹底改過。」他續說：「當然，我老婆以前都有做錯，到而家佢能夠好徹徹底底咁覺悟、醒覺，日後佢大把時間做人啦。能夠喺呢個唔開心嘅日子，領略到，第日佢出到嚟之後，佢嘅前途好光明，我哋嘅前途都好光明！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|