藝人吳若希（Jinny）與老公何兆鴻（Alex）2017年結婚後育有一女一子，不過在結婚初期兩公婆經常因小事爭執，Jinny更會公開大數老公不是，但近年Jinny已甚少再將老公的惡行放上網公審。但今日（9日）Jinny突然在社交網公開跟老公的對話截圖，對老公接送女員工而大感不滿，Jinny更忍不住講粗口，看來今次老公的行為令她相當生氣！
Jinny先是寸爆老公：「好XSweet呀，仲可以同人一齊搭地鐵返工！」老公Alex解釋只是要對方簽MPF，Jinny再說：「真係好大嘅原因呀，叫佢簽MPF，就要車人返工，又要陪人搭地鐵，好XSweet呀，你唔好俾人影X到呀！」Alex見狀即反駁表示：「其實我真係已經好多嘢煩，我唔明點解我咁樣我都要比人鬧，我唔同你講鬧我都正常，我真係做嘢，我之前幾年做垃圾做唔到嘢又鬧，我依家做正經嘢都鬧！」
隨後，Jinny再發文交代事件的來龍去脈，自言女人是十分敏感：「你趷起條尾，都已經知你會做咩㗎！今朝何生好積極咁話要車同事返工，俾我話完之後，好有骨氣地講，連車都唔揸自己搭地鐵！」又言：「我又唔知點解，突然間覺得佢應該係搭地鐵搵佢公司同事，我Chok完佢第一句，佢又真係答我係Wor（喎）！即係我自己都有公司，都有幫人哋供MPF，我依家先知原來MPF需要老闆親自攞文件俾員工簽！男人呢，就好得意嘅，身有屎嗰陣呢，就會話自己已經好多嘢煩，怪番女人唔體諒佢！」
最後她又以黑底白字對Alex作最後警告，她說：「作為太太，要提就提左，佢選擇尊重你，定係選擇無視你，係佢嘅決定。有啲人會忍，有啲人會嘈，我呢，同呢個人相處咗八年，太清楚佢咁嘅回答係代表咩！所以呢講埋今次，之後大家喺條街度見到佢同第二條女一齊，唔好大驚小怪，因為佢都係做嘢嘅啫！」
Jinny依然存疑，主動向MPF AGENT私訊求證，誰知得出驚人結果。吳若希問AGENT：「想八卦依家咩情況，係咪需要Alex親自去搵個員工簽返名今日之內交畀你？」AGENT則吃了誠實豆沙包表示：「唔係呀，我同佢溝通咗，我聽日下午會去葵涌公司搵佢員工簽名呀。」吳若希打蛇隨棍上：「但係佢今朝已經去咗佢員工屋企搵佢簽名喎，因為佢話要趕做銀行嘢。」吳若希再表示：「BTW，大家都唔好誤會何生，佢女同事喺啟德，我哋住何文田，又真係好近嘅，何生呢種反向思維，好忙但係唔想麻煩到個AGENT，要親自去搵女同事而唔係直接返公司等女同事返工都情有可原嘅。」Jinny又表示：「頭先諗諗吓，唔應該誤會人哋個AGENT，可能人哋個AGENT已好努力。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|