新一屆候選港姐昨日現身宣傳，陳甜甜繼早前成為民選三甲熱門後，昨日再下一城，獲兩位師姐劉穎鏇及郭柏妍加持。甜甜自信爆棚，自詡為人大方溫柔又搞笑，同樣是大熱的倪樂琳與梁嘉莹亦受師姐偏愛。至於未獲垂青的程姜月，惟有酸溜溜表示投自己一票。
新一屆15位候選港姐昨日聯同師姐劉穎鏇、郭柏妍、王怡然及黃嘉雯，出席《2024香港小姐競選》主題曲MV首播記者會，席上幾位師姐揀出心水之選，當中以陳甜甜最威水，獲劉穎鏇及郭柏妍「點燈」，大熱的「城大李嘉欣」倪樂琳與「Hot版鍾麗淇」梁嘉莹則獲得黃嘉雯歡心。
出口術拉票
劉穎鏇欣賞甜甜雖然廣東話不濟，但仍努力用廣東話受訪，不斷增值自己，郭柏妍則喜歡她的笑容。甜甜之前已成為網民「三甲熱選」，今次又深受師姐歡迎，她即自信十足地說：「可能因為我性格溫柔、大方又搞笑。（佢哋讚你努力講廣東話。）我唔擔心大家笑我，不過擔心發錯音變粗口，我每次都好注意。（師姐讚你，為你打下強心針？）我知道自己廣東話唔好，大家對我好包容同鼓勵。」提到即將展開網上投票，問她會如何拉票？她有意在社交網上載練習廣東話的片段，亦會呼籲家人及朋友投票，慶幸自己在網上沒有負評。
梁嘉莹為「黑妹」爭氣
另一熱門倪樂琳獲黃嘉雯看好，她坦言：「好開心，平時都有留意師姐，今日見到佢真人，仲畀佢點名，好似發夢咁！（佢讚你狀態好。）狀態OK，但有時太凍或者太攰，個人就會比較呆滯，冇咁精靈。」她表示可能是最近多了睡眠時間，連皮膚也變好。梁嘉莹則開心有多一個人喜歡自己：「希望通過我令其他皮膚黑嘅女仔更加多自信，我好鍾意自己嘅膚色。」
至於高人一等的楊梓瑤獲王怡然稱讚有模特兒身材，楊梓瑤表示很喜歡對方，同時讚賞陳甜甜是她心目中的「友誼小姐」：「我之前因為比較少鏡頭而唔開心，佢喺社交網甫咗我嘅相，想畀多啲人認識我，佢真係好窩心。」
「艷麗版蔡潔」程姜月雖然未獲師姐點名，但她表示不會因此而不快：「15個女仔都非常好，畀我都好難揀。（如果要你揀呢？）冇人揀我，我揀自己。」
打死不認冇工開 王怡然：曝光率唔重要
受父母欠債新聞影響的應屆港姐亞軍王怡然，在任期間幾乎零工作兼拒受訪，直至最近才「復出」試水溫。昨日她穿低胸裝出席活動，表示卸任在即，心情輕鬆：「會將港姐任務交下一屆港姐，之前忙讀書，依家畢業會投入演藝工作，但要等公司安排。」
她否認在任期間鮮有履行港姐職責，聲稱常與冠軍莊子璇和季軍王敏慈參與慈善工作，問到可覺得受之前的負面新聞拖累，影響曝光率？她堅稱少曝光只跟讀書有關，毋須拍劇或負責其他工作，又揚言：「曝光率對我唔重要，鍾意我嘅人會繼續支持我。」
問到父親的欠債事宜是否已解決？她即耍太極：「都係好以前嘅事。（解決咗？）要問佢，我以為上次訪問完就完結。（爸爸喺香港？）今日就⋯⋯佢唔喺（香港），屋企人啲嘢唔講。」她指未來想嘗試不同的演藝工作，從而改善廣東話。
選美血淚史 鄧凱文絕食搣脂
同是港姐出身的鄧凱文（Eris）及麥詩晴（Ceci）早前接受師姐梁麗翹的頻道訪問，分享選美時的減肥血淚史。身材有睇頭的Eris透露參選前曾進行地獄式減肥，3個月就減掉20多磅：「我個方法係好極端，真係完全唔食嘢，唔食任何澱粉質，如果好肚餓，我會食雞胸，同埋做運動，但都做唔到太多，因為冇咁多力。」
Ceci則自爆當年首輪面試被評判點名要減肥：「當年減肥都係完全唔食澱粉質，連肉都唔食，最後食埋瀉藥，係好唔健康。因為評判叫減肥，我梗係盡力去減。」不過她卻減過龍，更驚現「排骨胸」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
