郭富城13場紅館騷《郭富城ICONIC世界巡迴演唱會2024香港站》昨晚（27日）尾場！尾場歌單有不少變動，加入了《狂野之城》、《我為何讓你走》等經典歌。身穿白色恤衫嘅城城，唱完《木偶襲地球》後已不停噴汗，去到《狂野之城》時不時拉起件白裇衫引誘fans，再到《錯愛的呼喚》時，城城索性解開衫鈕，完美腹肌大放送，城城唱完之後仲話今次為怕太瘦，所以無刻意keep fit或操肌。
跳唱兩個多小時，個唱尾聲時，城城表示過去30年一直感激大家對自己嘅支持，亦因有大家力撐才有今日嘅舞台。而為咗突破自己、帶新鮮感畀大家，今次亦揾來美國嘅排舞師。「我唔想重複以往做過嘅嘢，所以想要突破自己，無論點都好，我已盡力去做，希望大家感受到。」最後，城城亦宣布將在12月會去到台北小巨蛋舉行《郭富城ICONIC世界巡迴演唱會》。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
