節目中，克勤分享以往採訪奧運經歷，表示：「我當時喺亞特蘭大嗰度做外景，嗰陣時冇咁嚴格嘅，現在嚴格啲，當時攞咗張證就周圍去得，就面皮厚啲，訪問就主動啲。」鍾仔則回應：「你哋知唔知點解後來拎住張證，人哋之後都有啲限制，因為你（李克勤）人哋升旗你走咗入去，你唔記得」克勤尷尬表示：「呢一個係另外一件事，詳情再話你知！」據知，當年克勤與華仔被委任為無綫奧運大使，前往美國亞特蘭大奧運會採訪，他們未經港隊同意下擅自進入港隊的升旗禮，結果被發現後被港隊請離場。
不少觀眾和網民對事件來龍去脈都感到非常好奇，事後鍾仔自認其實是「幕後黑手」。他憶述當年克勤和華仔是節目的特別嘉賓，負責奧運採訪部分，當時港隊的升旗禮，兩人跟著進場，結果被當時的香港奧委會主席說他兩個搗亂，趕了他們出去。「其實當時呢件事係我安排嘅，因為之前我喺亞運等等都試過同港隊一齊行入去升旗禮，感覺唔係咁嚴格；就係因為有咁嘅經驗，我當時就安排佢兩個企喺港隊隊尾，一齊入場等攝影師可以影番個Shot做效果。但因為當時香港奧委會主席望過嚟，又咁啱唔好彩克勤同華仔著住嘅制服，係同港隊嘅制服顏色好相似，主席當時就認為我哋係刻意混入去扮港隊運動員、有搗亂嘅意圖，所以先至引發呢件事。」
鍾仔笑指還原事件真相，是希望還克勤及華仔一個「清白」，大讚二人真的很好，當時完全聽他們的指令，且沒有任何異議，「最難得係佢哋一直冇將呢個真相講出嚟，可能係為咗保護我啦。依家咁多年之後，又見番克勤，我覺得應該將呢件誤闖升旗禮嘅事講番出嚟，解釋番件事係絕對唔關佢哋事嘅。」相隔28年，克勤和華仔終於沉冤得雪。
本文作轉載及備份之用 來源 source: http://www.hk01.com
|
鍾意就快D Share啦！
|
|
|