▲毛舜筠（毛姐）：「年紀大冇晒肌肉係好易出事！」
毛舜筠（毛姐）出道至今已經逾40年，保養得宜的她堪稱圈中美魔女，毛姐早前接受「旦哥」鄭丹瑞的「健康‧旦」YouTube頻道訪問，毛姐分享睡眠之法，她感恩自己在床上1至2分鐘就可入睡，直言自己睡眠時間太長反而會導致失眠！
健康旦丨毛舜筠分享不致肥飲食竅門 每日堅持一個小習慣輕鬆減肚腩
毛舜筠：每天睡8小時是最好
毛姐指自己每天睡8小時是最好，並在近年會服用助眠、有助放鬆的補充品，她也提醒大家在服用前需向醫生查詢。
她指服用補充品後提升了睡眠質素，並說：「有時係未夠攰，你一日裡面成日都坐、冇咩做，未夠攰去瞓得好。」
毛舜筠：年紀大冇晒肌肉係好易出事
運動同樣有助提升睡眠質素，毛姐特別喜歡落街跑步，並認為上了年紀的人最需要肌力訓練，她說：「兩年前，阿女教我做push-up或者坐無影凳，做幾下就痛幾日。佢話我從來冇做，所以會痛，叫我慢慢做下就得。我都唔係幾聽得入耳，但近呢幾年，我睇到好多人出事，跌倒就bye bye。」
毛姐續說：「我依家見到人好瘦，我會戥佢擔心，因為你冇晒肌肉，年紀大冇晒肌肉係好易出事。」她明白肌力訓練的重要性，由起初抗拒做相關訓練到在兩年間上了200課。
她強調：「千祈唔好做得快，係最容易傷，你自己喺屋企做冇人教你、提點住你姿勢唔係幾啱，慢就好難會出事。」除要放慢去做外，也需要持之以恆地去做。
毛姐指做了肌力訓練後就不再有駝背的情況，稱：「改善形態後，就令人覺得你唔老，有肌肉去撐返你個身挺直，你咪冇老態囉！」
最新影片推介：
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|