掃呢頁CODE去手機

2024年8月11日 星期日

英超Fever:互射12碼 曼城挫曼聯捧社區盾 #曼聯

(GettyImages)周六晚(10日)社區盾假溫布萊球場上演,由曼城對曼聯。「紅魔鬼」阿歷真度加拿祖末段開紀錄,「藍月亮」貝拿度施華完場前扳平,互 ...




(Getty Images)


周六晚(10日)社區盾假溫布萊球場上演,由曼城對曼聯。「紅魔鬼」阿歷真度加拿祖末段開紀錄,「藍月亮」貝拿度施華完場前扳平,互射12碼曼城贏7比6,連輸3屆後終於贏番次,捧走社區盾。


開波初段雙方仲互有攻守,但曼城企穩後就控制大局, 最近磅喺上半場23分鐘,曼聯左邊後防一個誤會,利辛度馬天尼斯交個醫院波,畀占士麥亞迪攞到並且腳內側敞遠柱,可惜中柱彈出唔入。


32分鐘曼聯有入波機會,阿密特迪亞路同卡斯米路撞牆入禁區,點知佢自己唔射交橫,但係美臣蒙特又未到,結果嘥晒,另一次攻勢拉舒福特空晒起腳,但遠離目標,半場互無紀錄。


53分鐘曼聯又有機會,般奴費南迪斯禁區頂射個世界波入網,可惜佢越位在先食詐胡;曼聯其後換入阿歷真度加拿祖、麥湯米尼加強攻力,74分鐘加拿祖交畀空晒嘅拉舒福特,但係「福仔」射中柱出界。


82分鐘,加拿祖右路引球入中路射死角入網,88分鐘貝拿度施華頭槌扳平1比1,互射12碼,曼城第一射就有貝拿度施華射失,曼聯亦有查頓辛祖宴客,頭5射打成4比4平手,去到突然死亡,射到第8輪曼聯莊尼伊雲斯射失,曼城文路爾艾簡治射入,最終曼城贏7比6,捧走社區盾。

本文作轉載及備份之用 來源 source: http://hk.on.cc
鍾意就快D Share啦!