馮素波力阻契仔攞隔籬台咪牌 原來曾因馮峰喪禮一事收TVB警告信
波姐透露在2000年父親馮峰的喪禮時，於殯儀館外接受記者圍訪，當中包括亞視，而亞視亦播出了她受訪的片段。雖然波姐強調受訪時沒有揸住亞視咪牌，但事後卻收警告信：「唔係揸咗人個咪！係佢哋隊咗個咪埋嚟我度，淨係Take我個人講嘢同佢哋個咪，亞視返去做過裁剪之後，話我接受咗佢哋訪問。我冇揸到人個咪，只不過鏡頭前出到佢個咪。」波姐憶述當時有多支咪牌，自己只是作為代表受訪：「好多個咪喺我眼前，只不過佢（亞視）個咪隊得咁前，就拍咗出嚟，無綫就話我做咩事要接受人訪問，我話我幾時去同人做訪問呀？佢話出咗鏡嗰一下，喺亞視出嚟，有個Shot話我同個咪，佢就話同我講『其情可憫』。」
事後有人打電話給波姐叫她上TVB藝員部傾，通知她將會收到警告信：「我話收到封信之後應該點做，佢話你三個月內唔好再犯囉。我話哦，咁以後我就好留意人哋係乜嘢咪，乜嘢咪我都唔接，除咗我唱歌嗰支。」波姐笑言：「死人喎，唔通三個月又死？是但啦，笑話嚟啫，嗰時大家都好傾好講嘅。」
而當日訪問波姐的亞視記者鄭凱中就現身為事件解畫：「非常不好意思波姐，當年那個罪魁祸首就是本人小弟我！那時候我在亞洲電視節目《今日睇真D》當外景主持人，當年這個採訪是我去做的，因為是波姐的父親大人非常資深的前輩藝人馮峰過世告別式！當時候是波姐在殯儀館接受連（聯）訪，因為當時候卻是（確實）太多媒體，場面非常的混亂，確實是我堅持要把我們節目的Mic牌放過去的。我在這邊正式的聲明當時候真的不是波姐在接受亞洲電視的訪問，真的是連（聯）訪，因為當時的媒體太多，波姐根本不知道我把Mic牌放過（去）的，是我堅持把Mic牌放過去的。」
鄭凱中更多次向波姐致歉：「我不知道因為這樣子而會帶給妳那麼大的麻煩，讓您收了TVB警告信Warning Letter。我今天和您說聲抱歉，非常不好意思，對不起，我今天看到新聞真的嚇一跳，我真的需要親自跪下奉茶和您說聲不好意思！對不起！」鄭凱中是馬來西亞拿督之子，擁有爸爸留下的大量財產，家族企業龐大，而他在香港長大及由模特兒出道，曾擔任全職模特兒，1999年參加第二屆香港男士競選後加入亞洲電視，曾擔任《今日睇真D》外景主持，2002年離開亞視，現時鄭凱中在台灣發展演藝事業。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
