8號盧凱怡（Kerry）接受《香港01》訪問時回答：「首先我唔知我有冇能力成為一個藝，假設我成為一個藝人之後，我又冇咁多戲可以拍。我覺得我勤力啲，跑多啲地方，其實兩件事（演藝和跳舞）都可以兼顧到。具體（收入）有幾多我都唔知，但係我都先講心啦，我覺得之後收入同埋能力一定會掛鉤嘅，所以我覺得唔使擔心，先進步咗自己。」如果連續五年，每個月都只得$7,000收入？她回答自己可以用多些時間去教跳舞和訓練：「時時學習，總有一日會發光嘅。」
如果要演出「被性侵」，扮死屍瞓垃圾堆這些戲份呢？她坦言：「我覺得演員係一份職業，既然你接受咗，就要接受佢所有。無論做乜嘢角色都要接受。」
樂易玲（樂小姐）在訪問中提到14號楊梓瑤「變靚咗」，楊梓瑤接受《香港01》訪問時就回答：「好開心！多謝佢！因為TVB化妝真係好好！參加咗之後有多咗自信，因為有好多人支持。」
問到參選後的計劃，她坦言，如果得獎的話，會考慮留在香港發展，但如果沒有名次，則會回北京繼續完成電影系的第四年學業。不過，她亦表示演出機會十分難得，完成學業後也希望回到TVB！
問到收入的問題，她就回答：「OK㗎！我覺得工資唔係最重要，因為學系表演，有機會拍戲就好開心。我覺得機會最重要，因為競爭好大。」如果拍戲需要演出被性侵甚至瞓垃圾堆呢？她回答：「我應該唔適合呢啲，我覺得TVB都唔會嗌我拍呢啲。（如果一定要？）我覺得可以傾傾。」她表示，自己傾向拍攝武打戲份，因為是她的專長。
本文作轉載及備份之用 來源 source: http://www.hk01.com
|
鍾意就快D Share啦！
|
|
|