「一代大俠」徐少強因食道癌離世，享年73歲，其一對仔女徐偉棟、徐頴堃對外表示正同家人處理身後事。繼早前徐頴堃出PO以張學友歌曲《你是我今生唯一傳奇》，留言：「I Love You！」後，今日（17日）凌晨亦徐偉棟於Story貼出爸爸徐少強長髮照，英氣十足地望向鏡頭，徐偉棟用酒杯Emoji配上淺色字留言：「老竇來生再聚」短短六字表達心情，沉澱過後簡單留言，卻勝千言萬語。
今日徐頴堃則貼出幾張照片，當中包括與徐少強合照，並發文寫道：「來電顯示：大俠爸爸『一陣一齊食飯啦，有啲嘢攞畀你。』心諗：爸爸送咩畀我呢？一到食飯，爸爸隨意攞咗一個迷你月餅出嚟。『今日中秋，意頭。』」雖然徐少強指月餅係劇組送食唔晒，先轉贈愛女，不過徐頴堃毫不介意，更言係爸爸「人生第一次送月餅畀我」，所以特別珍貴，佢亦第一次煲湯畀爸爸飲，以作「回禮」，可惜已經再冇煲湯畀爸爸嘅機會。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
