藝人關嘉敏（Carman）在通訊平台廣發「求助」訊息，不少朋友收到她留言：「我現在急用錢，方便藉（借）點錢嗎？晚兩天我這邊週（周）轉了還給你。」令友人相當擔心她陷入財困中。
Carman接受訪問時表示：「我今朝一起身就收到30幾個朋友問我發生咩嘢時，先知畀人Hack（黑客入侵），依然入唔番嗰個通訊平台。（冇有朋友中伏？）好彩啲朋友都好醒，即刻打嚟問我，應該就冇朋友中伏。」她事後亦在社交網上載「求助」截圖，提醒各界勿中計：「千祈唔好過錢畀佢。」
她又無奈表示現時網騙防不勝防，故呼籲大家要小心：「呢啲網騙真係好多，所以大家千祈唔好亂將私人資料畀陌生人，如果真係好似我咁畀人Hack咗，千祈唔好緊張要冷靜處理，如果真係有人過咗數，就要立即報案求助。」問她現實生活中，經濟上可有困難？她笑言：「我畀人Hack咗後，先覺得自己唔係好困難，因為佢（黑客）比我更困難。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|