《爆谷一周》再度添食，谷德昭昨晚（30日）現身柴灣為節目錄影時，笑言上輯連基斯杜化路蘭（Christopher Nolan）都訪問到，感覺已到頂峰，今輯雖然可能嘉賓上會有重複，但只要做足功課都一定能令內容精彩。
提到香港電影業蕭條，谷導坦承問題嚴峻。「好氣餒，見到佐治古尼同畢彼特新戲直上平台，仲有邊個入戲院？真係要好畀心機先鬥到。」問到會否有幕後朋友因開工不足而陷經濟困境，他說：「都幾多朋友轉行，佢哋做其他嘢幫補，但都有繼續諗故仔。」谷導自己亦有不停創作，但難搵投資者，就算有，預算亦較低。提到黃子華賣樓拍戲，谷導即笑言：「叫佢再賣樓畀我拍？我搵佢傾傾先。（你會唔會都賣樓？）我無樓賣，搵iPhone拍算，而家真係好難搞。」
谷導又透露本身有獲邀睇創作劇本，但因為自己都是創作人，怕會有衝突，所以推卻了，但編劇家協會如果開班培訓新人的話，他亦可以幫手，而他亦準備透過《爆谷一周》進行一些創作。
本文作轉載及備份之用 來源 source: http://www.hk01.com
|
鍾意就快D Share啦！
|
|
|