港姐人妻陳凱琳今日（15/11）出席超市活動，席間她談到與老公鄭嘉穎拍拖時的活動。她說：「我同佢拍拖嗰時，始終兩個都係藝人，出街都會擔心畀人影到。但係我哋又好渴望，可以做啲日常做到嘅事，就係兩個人行吓超市，而我同佢第一次喺香港，可以實現呢個諗法嘅地方就係GREAT，所以真係好有緣。」她接受訪問時，被問到最近傳聞「陳凱琳含淚宣布離婚」及「揭鄭嘉穎真面目」一事，她就回應：「可能啲人想製造話題，唔係真實，自己入行11年，有咩未見過、未聽過？」表示可以練習EQ，保持正能量。
