「十優港姐」麥明詩在將軍澳出席護膚品活動，並親自公布懷孕5個月，預產期明年3、4月。以白色低胸連身裙示人的她肚凸凸，身材升cup ，但仍貪靚穿上5完全高踭鞋，拍照時張心心手勢放在肚子上，狀態甚佳，光容煥發，現場被司儀問到懷孕情況，她說：「知知有bb一刻都好開心，係上天祝福，會好好珍惜，但心情亦有忐忑，因為係好大嘅責任，仲有幾個月時間會準備好自己，安排好屋企，用妥善嘅方式迎接新挑戰。」
麥明詩接受訪問時透露懷孕5個月，暫時未知BB性別，保持神秘感，但指男女也沒有所謂，因已計劃會生多一個。問到是否打三年抱兩？她說：「多一個、小朋友佢哋會開心啲，但會要睇緣分同福氣，同埋懷孕後身體唔同反應，希望過程順利。」又指懷孕過程不算辛苦，初期也有嘔吐，比較以攰，要平衡工作較難，明白到做媽媽實在了不起。
講到老公盛勁為知道做爸爸有甚麼反應？她笑說：「老公好開心，我哋都係隨遇而安，雖然有計劃，但也不敢計劃得太多，都算係順利發生。」她透露預產期明年3、4月，BB會是蛇B，老公已經攞定假迎接BB。笑問是否在馬爾代夫度蜜月時一擊即中？她笑說：「唔係好清楚，要問吓佢，我哋都保持平常心唔想太刻意，只係照常夫妻生活。我哋都好感恩，不斷提醒對方要好好溝通，為下一代好好準備。」
麥明詩指她的教育家媽媽麥何小娟得悉亦超開心，悉心照顧，但自己因接觸太多懷孕資訊感壓力，獲媽媽提醒不用想太多，而任職整形外科醫的哥哥笑言她若未能修身可作出協助。
講到穿着5寸高踭鞋現身，老公可有微言？她說：「佢不嬲都唔管我，只係嘩咗一聲，今日都係佢車我嚟。」又讚老公相當緊張她的身體，透露懷孕後肥了15磅，現在每天吃5、6餐，希望營養也落在BB身上。
本文作轉載及備份之用 來源 source: http://hk.on.cc
|
鍾意就快D Share啦！
|
|
|