現年76歲的李添勝2015年底拍完賀歲劇《財神駕到》後正式退休，之後便甚少露面。從汪明荃在社交平台分享的相片可見，添哥企正中間與一班EYT元老蔡和平、何麗全、吳雨等在台上齊齊拎起筷子「撈起」喻意吉祥，之後又跟林嘉華、黃淑儀等人合照，輕輕扶實身旁的枱邊借力，但精神看來不俗。而劉曉彤則分享多張與前輩的合照，見添哥眉頭變白，笑容可親變成一位慈祥老人家。
李添勝從70年代開始，創作過很多受歡迎的電視劇及令人難忘的角色，當中包括《網中人》、《鹿鼎記》、《親情》、《巾幗梟雄》系列、《鐵馬尋橋》、以及《天梯》以及《神探高倫布》，由於他選角眼光獨到，往往大膽起用新演員擔當主角，故有「點石成金」之稱，當中包括周潤發、梁朝偉、古天樂、黎耀祥等等。而他在未做監製之前，曾經在《歡樂今宵》的短劇飾演「掃街茂」，他在街頭推着市政總署鐵製垃圾車，憑住一句市井經典對白：「死飛仔，開到咁快，趕住去攞出世紙咩？遲早撞瓜你呢個死飛仔！」成功入屋，其後「掃街茂」更搬上大銀幕在電影《阿茂正傳》及《大鄉里與掃街添》做主角。
李添勝曾在訪問中透露自己初入行是跟蔡和平做PA，指對方是一位嚴師，由於當年所有製作都頗簡陋，臨時拉夫造就「「掃街茂」一角，他笑說：「拍片頭唔通請個車手咩？咪搵咗另一個PA去拍，嗰架垃圾車好，爭啲撞到重要部位。」吳雨亦曾稱當年兩人曾同任助理製作總監之職，地位平起平坐，但後來添哥因為不喜歡開會，又怕做管理，最後由吳雨升職當總監，而李添勝繼續製作不同劇集，成為TVB金牌監製。
本文作轉載及備份之用 來源 source: http://www.hk01.com
|
鍾意就快D Share啦！
|
|
|