張致恒搵「淨係星期日」兼職被質疑要求多 雯雯激動護夫：咩世界 #張致恒 #雯雯

張致恒（Steven）與太太區燕雯（雯雯）婚後不時因欠債、周期性嗌離婚而引起外界關注，更被網民封為「離婚界KOL」，雯雯更多次公開數落張致恒「又廢又懶 ...

張致恒（Steven）與太太區燕雯（雯雯）婚後不時因欠債、周期性嗌離婚而引起外界關注，更被網民封為「離婚界KOL」，雯雯更多次公開數落張致恒「又廢又懶」，一家六口入不敷支，又放負呻窮。不過早前張致恒考獲「平安卡」做地盤工作，做「職安真漢子」，又疑似做渠務處外判工程的打雜，日前更在IG出Post搵工，但只限於星期日的part-time，因而被質疑搵工都要求多多，而吳浩康卻在IG發文「人各有志，無謂強人所難」，疑似隔空暗寸張致恒。

而雯雯事後就在IG限時動態寫道：「返一份full time唔夠，放假想做多份，都要俾人話要求多，咩世界？！」似乎嬲爆爆。雖然張致恒近日勤於返工重新建立正面形象，但雯雯早前又疑似直斥老公冷血，指兒子出事卻受到冷漠對待，又曾發文控訴張致恒由得兒子捱餓，亦無法學吳浩康打地盤工：「為咗瞓覺自己唔去讀個平安卡。」不過想不到雯雯今次就主動出Post護夫，反擊網民！

本文作轉載及備份之用 來源 source: http://www.hk01.com

鍾意就快D Share啦！

下一篇 》