藝人唐詩詠麵包店尋日（28號）正式開張，店內外人頭湧湧，唔少圈中人都有到賀，好友陳敏之、湯洛雯（靚湯）、陳豪、楊茜堯、方力申、余安安等都有現身開幕支持，連早前宣布大肚嘅黃翠如亦畀面捧場！
黃翠如以Cap帽、口罩加頸巾現身，保護度十足，現場亦見詩詠全程護着翠如，同佢開路上車，對好友照顧有加。而盛傳大肚嘅靚湯，今次見人真係堅似有咗，成個人腫晒，就連手指、手腕均更見腫脹，孕味極濃，更多次以麵包遮肚，就連自己upload嘅相都係張張遮住肚仔位置，忽然避忌，令人更有聯想。
店舖開業一個月以來已成為潮牌，經常爆場排長龍，其實試業期間，黃翠如同張曦雯等都分別光顧支持，試吓好友手勢，紛紛讚不絕口。而較早前唐詩詠亦曾透露周潤發在店舖開業第一日已經試過新鮮出爐麵包，更笑指有發哥加持就好旺。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
