內地頂流男神鹿晗尋晚（28日）開Live同大家傾偈，點知今日（29日）有關佢個Live嘅唔如話題就充斥成個熱搜，因為佢直播時「動作」多多，醉酒、爆粗、舉中指、鬧模仿者通通做齊，更疑似有拍拖7年嘅花旦女友關曉彤把聲，一個直播都夠晒睇頭！
鹿晗直播時展示眉釘貼紙，形象忽然由花美男變Rock友，睇到粉絲如癡如醉，估唔到原來佢本人真係醉咗，口詞微微不清咁開Live，仲忽然點名鹿哈（鹿晗模仿者），似乎不滿對方成日扮自己賺錢，仲公然話要打電話畀對方，期間更對鏡頭舉中指，又多次爆粗，明顯係飲大咗，不過佢就堅持自己酒量好、冇醉。
不過網友最關心嘅，就係佢半夜直播到一半，一把好似女友關曉彤嘅聲音忽然出現，曾多次傳出分手嘅二人，疑似齊齊直播，不過可能係因為二人唔可以同時露面，所以關曉彤要躲喺鏡頭後睇實男友，點知都係唔小心聲音攝鏡，令「#鹿晗直播疑似關曉彤在旁邊#」話題即衝上熱搜第一位。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
