男團MIRROR成員呂爵安（Edan）早前公開認追大自己7年嘅林明禎，因為二人同遊意大利兼撐枱腳被斷正，令事件愈鬧愈大，二人依家關係曖昧不清，令網友非常好奇。兩人成日對戀情生活答非所問，原來感情已有大躍進，最近有網民表示喺台灣夜市捕獲二人，更上載多張相證明佢哋疑似已經拍緊拖！
網民於社交平台圖文並茂指︰「見到Edan同林明禎 打唔打招呼好？但怕阻到人哋」相中見到女方的身形跟林明禎無異，其中一張更見到女方側面，靚樣似到十足；男主角就長袖恤衫襯漁夫帽，孭住一個相機造型斜孭袋，之後更見到男方將手搭喺女方肩膊上，二人煙韌掃街，同一般親密情侶無異。點知有網友就喺Edan社交網搵到，男方身上嘅波鞋及玉墜吊飾都非常相似，兩人拍拖疑似再被斷正。林明禎本身係台灣觀光大使，佢成日都飛台灣做嘢同玩樂，平時都經常post出當地吃喝玩樂靚相，似乎喺台灣見到佢都好合情合理。
本文作轉載及備份之用 來源 source: http://hk.on.cc
|
鍾意就快D Share啦！
|
|
|