曼聯勢必要進行大換血。(Getty Images)
曼聯新領隊新作風，魯賓艾摩廉嘅3-4-3陣式令人期待，不過「王朝非一天建造」，曼聯新陣第1擊就錄得兩項羞家數據，名宿堅尼賽後一針見血：咪又係同一班人！
通常新帥上場都會有刺激作用，球員會踢得特別落力，不過英國《天空體育》數據顯示，曼聯今仗全場只係錄得102公里跑動距離，係球隊今季跑動第2少嘅賽事；另外，創造力不足仍然係曼聯死穴，Opta顯示曼聯今仗xG(預期入球)只得0.8球，遠低於對手葉士域治嘅1.58球，1比1嘅戰果其實已經係「賺咗」。
曼聯名將堅尼賽後分析就一針見血：「我哋睇到曼聯嘅隊型，不過用緊嘅咪又係同一班人，有同一樣嘅問題。江山易改，本性難移......我信唔信呢隊波有能力殺入前4？絕對唔信！舊嘅問題仍然喺度，質素欠奉，一切都係預計之中。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|