林海峰以一篇沒有標點符號的文章，仿密碼式講解與這段音樂的相遇，而第一句︰「有啲嘢係要等到星期六晚講先啱數」就因為當年《老人苑》播放整蠱電話環節，是逢星期六晚播出。他續說當年跟女朋友睇完《藍色夜合花》（Blue Velvet）後，再到KPS金獅影音及Laser People 租隻《擦紙膠頭》（Eraserhead）同《象人》（The Elephant Man）影帶影碟補課。
後來得知鬼才大導拍電視劇，便乖乖地擔定凳仔坐定定追《迷離劫》（Twin Peaks）。「 睇咗幾集就忍唔住飛去銅鑼灣恩平道聯邦唱片買隻原聲配樂鐳射唱片 得閒就喺間房全日不停播 搞到間屋靜英英都好似會有啲事發生咁 結果真係有古怪 就係嚟自華盛頓州一個小鎮嘅怪異氣氛 竟然飄吓飄吓無厘頭飄到嚟九龍塘廣播道商業二台老人苑度 而呢首魔音前奏一嚮 就即時令到星期六晚嘅整蠱電話爆發怪力亂神嗰陣 真係唔知笑死咗幾多個當年嘅年青人」
兩者看似冇關聯，但林海峰就洞悉到一個記認。「宇宙嘅嘢確係好怪異 但事必又可能有因 即係如果有睇過鬼才大導作品都好容易搵到破案線索 就係大衛連治先生一向其實都真係幾喜歡古古怪怪無厘頭神經刀咁失驚無神整蠱你……Thank you David Lynch for the magic you brought to this world.」
另外，林海峰最近為牛仔3K慈善親子跑，設計限量版選手包同紀念品，其中選手Tee更獲業界支持，不少明星藝人都有著嚟打卡，包括葛民輝、唐詩詠、謝安琪、馮允謙等，大家都鼎力支持。活動將於2025年3月23日（星期日），灣仔海濱長廊舉行，27/1前報名仲享有早鳥優惠。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
