黃建東回答：「因為上年參加《福祿壽》嘅時候喪減肥，行跑步機嘅時候較到最斜嚟行，嗰時整親隻腳所以有足底筋膜炎，6月整親，下半年去醫嘅時候，醫生都叫我唔好練（跑步），所以都唔敢練住。有幾嚴重？其實一路行都會痛，直頭唔想行，但係你知行路每日都需要，同埋我個人好易肥返，上年下半年瘦咗30磅之後，我都要keep住去踩機，做帶氧運動令自己唔好肥返。」
黃建東曾於幾年前參加過10K賽事，他直言，難得瘦了30磅所以想挑戰自己：「唔想食老本。我好想挑戰自己，挑戰半馬，因為半馬真係唔容易，唔容易之餘我覺得自己有機會做到。」
正常情況之下，參賽前受傷，明知參賽有機會令傷勢惡化影響健康，又未知自己能否完成，在種種不可預期因素之下，可能都會選擇退賽，或轉組跑較輕鬆的10K賽事。為什麼黃建東會這麼堅持呢？
他說：「因為我唔想俾人睇死。因為好多人都覺得：『嘩，你唔得㗎啦，阿東。你又冇練過，又有腳傷，一家唔得㗎啦。』我覺得跑馬拉松就好似人生，我嘅演藝事業一樣，都有好多人同我講：『你唔得㗎』『你都做咗十幾年啦，你唔得㗎』但係心底裡我真係相信自己！我知道自己有咁嘅能力，知道自己係得嘅！」
他表示，今次跑「渣打馬拉松」半馬賽事就是想和這些聲音說，他可以的！他說：「人哋覺得我演藝事業得咁多，我就唔相信我演藝事業得咁多，自己可以更上一層樓。我想講，入西隧嘅時候，我真係想喊，因為我好感動。我覺得自己係得嘅，無論幾多人睇死我都好。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
