新加坡天王林俊傑（JJ）出道逾20年嘅佢，有着唔少膾炙人口嘅金曲，然而樂壇成績亮眼嘅佢，感情方面則長期一片空白。然而，日前就有網友踢爆JJ疑似有新歡，據聞對方比JJ年輕20歲外，仲係模特兒兼小有名氣嘅網紅，之所以會被傳出緋聞，皆因呢位嫩模嘅同學喺網上爆料，表示JJ喺2023年年底，經好兄弟介紹認識，而呢位嫩模雖然自稱美籍華裔，但事實上則係一位廣東人，而其社交網上嘅照片，更係張張靚到好似AI咁！
另外，該名爆料網友更表示，去年12月JJ新加坡演唱會上，更為該名嫩模準備咗第一排位置，方便美女可以近距離感受JJ嘅舞台魅力之餘，更晒出今年1月2人疑似同懷秋齊遊新西蘭嘅照片。雖然有傳JJ粉絲嬲到要脫粉，但仍有唔少網友認為JJ已經係43歲嘅成熟男人，加上單身嘅前提下，拍拖一事其實都好正常。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
