姚焯菲在節目中與容祖兒、薛凱琪及衛蘭合唱歌曲《女神》的片段在網上瘋傳，備受好評，同時也令她有感而發。她近日在Threads上重提去年在新西蘭與粉絲合照，相片流出後被大批網民指她身形暴脹兩個碼一事，直言不再因外界的負評語動搖自己的自我價值，將注意力放在欣賞她的人身上。
姚焯菲寫道：「《女神》 出左（咗）街之後，我突然諗返起呢張相。 呢張相係（喺）新西蘭影嘅，然後果（嗰）位fans post左（咗）上網。轉個頭第二日一起身，我收到好多負面訊息、見到香港嘅articles都係（喺）到講緊呢張相。我記得果（嗰）朝仲要係放完假第一日返學，所以加埋呢啲新聞，心情特別差。」
姚焯菲續言：「但係我好快諗返起影呢張相嘅同一日，著住同一件衫、素顏，我去左（咗）間餐廳。有一位陌生人媽媽突然走過黎（嚟）同我講左（咗）聲 “you are so beautiful”。我個心暖左（咗）一暖，但係冇諗過呢句說話對第二日嘅自己會有幾重要。」
同一件衫、同樣素顏卻遇到完全不同的評價，從中讓姚焯菲有所領悟，「重要嘅原因係我學識左（咗）同一日、同一個樣可以有人話你靚、有人話你醜，呢啲評語已經唔需要在乎。反而唔好被呢啲評語動搖自己嘅自我價值先係最重要。同埋唔好忘記呢個世界好多人會唔欣賞你，但係總有一個會。一個已經夠。所以未睇嘅朋友快啲睇啦，幫你打氣 yayyy」。
不少網民和粉絲留言表示支持及為她打氣：「係影得唔靚，但個人靚咪得囉」，姚焯菲回覆：「我爹哋影的...佢訓練中」。當中也有人半開玩笑質疑說：「官方文多過似自己出，打得好老。」姚焯菲大方回覆是她自己寫的，並表示：「可能真係老靈魂」。年紀輕輕便有如此成熟的心態，相信負評將會是令姚焯菲變得強大的動力。
本文作轉載及備份之用 來源 source: http://www.hk01.com
|
鍾意就快D Share啦！
|
|
|