鍾培生豪使「半層樓」大搞
鍾培生接受《香港01》訪問，表示「揀」地方開Pop-up Store也經過細心考量：「六本木係東京最高尚地方，agent都問我點解揀Roppongi Hills而唔係mid town，都係同一價錢，因為全國都知邊度係Roppongi Hills，但係可能得東京人先知邊度係mid town。揀就揀最貴（最好），第一次唔可以失禮人！」他透露，投資了「半層樓」金額代理。
講到代理美妝品牌的原意，他就解釋到，做生意主要都是將用戶流量變現，他發現日本社交平台或傳媒中，很多流量都被低估，說：「我做咗流量變現十幾年，團隊亦都係最專業，點樣將流量變做錢。」他表示，會主攻用KOL帶貨形式去推銷品牌，坦言預期一年左右就回本！
搵朝比奈彩做代言人：因為唔會傳緋聞！
提到與朝比奈彩簽約做代言，他表示只用了一次見面時間就傾談好所有合作事宜：「個老闆同我傾，朝比奈彩準備生小朋友，又係靚媽媽。我去到同老闆傾偈，我哋用十分鐘，就已經握手簽約講價錢，成件事快靚正，連日本人都話：『係㗎啦？』講完就過埋數（幾錢？）呢個唔講啦，但係相對喺香港搵日本藝人就平好多。（慳咗層樓？）真係慳咗唔少錢！（成件事用咗幾錢？）你當超過四百萬。如果咁樣去計，今日應該可以攞返七成，我哋嚟緊就入伊勢丹，因為佢哋都覺得我哋正。（點解搵朝比奈彩做代言？）佢好高貴，亦都係一個媽媽，香港方面亦都有用靚媽媽陳凱琳，同一個形象，而大家都會睇《Alice in Borderland》，所以佢係一個絕對合適嘅代言人。（因為搵個媽媽唔會傳緋聞？）梗係」
鍾培生：與其執自己個樣，不如用時間搵多啲錢
代理美妝品牌，是因為經常被「連登仔」笑「搞好啲皮膚先」？他回答：「唔關事，因為我不嬲大男人思想，我覺得與其有時間執自己個樣，不如用時間搵多啲錢，去照顧媽媽，我啲異性朋友，女fans，我哋經過咁多女士意見，Glycel係一個最正嘅品牌。」
鍾培生表示，早前拳賽有外圍賭波，近日有裁決判他勝訴，雖然未知被告一方要賠償多少，但仍令他感到開心。
情人節收三份朱古力
留在日本一段時間，「富四代」鍾培生有沒有艷遇？他回答：「我好希望喺日本專心做嘢，有好多同事擺咗好多希望同信心喺我身上，所以我都係要專注喺事業上，令到大家一齊贏，而唔係欣賞呢度風景，動畫同埋美食。（有冇女仔做主動？）我今日回復咗中學生回憶！收到三份手做朱古力，你哋恨唔到咁多㗎」
本文作轉載及備份之用 來源 source: http://www.hk01.com
|
鍾意就快D Share啦！
|
|
|