卡斯米路已被艾摩廉擺入雪櫃。(Getty Images)
冬季轉會市場已經結束，不過曼聯清除瘀血行動仲未完結。據巴西媒體報道，法林明高正同曼聯商討借用巴西中場卡斯米路，呢位32歲老將係隊中最高薪球員，但今年未試過正選上陣，明顯唔喺領隊魯賓艾摩廉計劃之內，曼聯已同意即時放人，有望2星期內完成轉會。
曼聯早前清走安東尼馬菲奧斯同拉舒福特，雖然歐洲轉會市場已經完結，不過巴甲轉會窗就到2月底先關閉，巴西著名記者Jorge Nicola爆料：「法林明高呢幾日研究緊引入卡斯米路，曼聯已經同意外借，並且會承擔佢大部份人工，菲臘路爾斯(法林明高教練)好想得到佢。」
最大問題係，卡斯米路依家周薪高達37.5萬鎊，就算曼聯願意承擔佢超過50%嘅人工，薪酬開支對法林明高仍然係個天文數字，足以同山度士前鋒尼馬睇齊，成為巴甲最高人工球員。踏入2025年後，卡斯米路喺各項比賽上陣時間唔夠20分鐘，淪為球隊高薪閒人。
本文作轉載及備份之用 來源 source: http://hk.on.cc
|
鍾意就快D Share啦！
|
|
|