01網紅營銷品牌大獎2024｜林芊妤奪「最喜愛網紅大獎」：受寵若驚 #林芊妤

《香港01》聯同網紅營銷平台Starry今日（27/3）於尖沙咀舉行第二屆《網紅營銷品牌大獎2024》頒獎禮。林芊妤（Coffee）獲得「網民最喜愛網 ...

《香港01》聯同網紅營銷平台Starry今日（27/3）於尖沙咀舉行第二屆《網紅營銷品牌大獎2024》頒獎禮。林芊妤（Coffee）獲得「網民最喜愛網紅大獎」，她接受《香港01》訪問時感到意外：「其實而家我放片嘅次數相比以前係緩慢咗，同埋要更新我最新嘅狀況，竟然都攞到獎，我係覺得受寵若驚。（點解會放片少咗？）可能個人越來越I，唔知係咪隨住自己年紀越來越大嘅原因，頭先聽佢哋講，原來放片嘅量都會有影響。」

Coffee續說：「而家我拍片就比較隨心啲，就比較重質不重量，變咗到我有嘢想同大家分享就會先拍片。其實要經營一個頻道真係唔容易，因為你要保持人哋對你嘅新鮮感同個熱度，係會比較困難。上年我一個月放一條片，反而我而家拍片係為咗自己，心態唔同咗，加上本身自己做緊瑜珈服飾品牌生意，變咗我而家一星期拍一條片，反而係令到我可以放鬆心情。」

本文作轉載及備份之用 來源 source: http://www.hk01.com

鍾意就快D Share啦！

下一篇 》