而兩個月前，在他1月14日生日前夕，自小照顧他的外公卻辭世，使他非常傷心，也自責太忙忽略對方、未夠叻可以在頒獎台上多謝外公，又呼籲大家要愛得及時。而有人轉載了有關報道，貼出193月前撞到老婦的相片說：「原來撞到呀婆真係有報應 」貼文雖然已經個多月前，但今日（6日）竟突然被翻起，193親自留言澄清。
193說：「撞到嬸嬸係意外，你講到我好似特登咁？你係智商比正常人低好多、唔識理解事件嗎？故意撞人對我有咩好處？用下你個屎忽腦啦。呢個世界有咩人係從來冇做錯過嘢㗎 ？你係聖人？」原來該網民已不止一次針對193，曾在叱咤後截圖問193「X口X面」，193當時都有回應他，他今次再重提事件說：「頒獎禮你屈我黑面就唔會係意外啦，好明顯係心地有問題。如果要講報應嘅話，我估你全家都應該已經不在人世，講佢哋啲名俾我聽，我幫手燒俾佢哋！順手講埋你個名俾我聽啦，如果要講報應，你都應該已經喺地獄㗎啦，你呢啲性格有缺陷嘅廢柴應該都冇朋友，咁我唯有當積陰德，順便燒俾你啦。」他的回覆獲逾4千人讚好。
很多人都對該網民的言論看不過眼，斥他冇口德，認為再討厭一個藝人也不應該攞對方的過世親人來講，就連陳穎欣（Yanny）都留言問：「點解你會咁講嘢㗎？🥺 你個良心去咗邊？」193之後再分享自己的歌曲MV，表示只是嬲了1分鐘，聽完自己做詞的《Keep Walking》之後就即刻諗通晒開心返。
本文作轉載及備份之用 來源 source: http://www.hk01.com
|
鍾意就快D Share啦！
|
|
|