神隱逾20年的蔡曉儀染了一頭金色長髮，明顯發福，臉圓圓、身材豐滿，但依然甚有星味，思路清晰，精神狀態不俗。她透露會復出拍戲，將於4月與劉雅麗和李道洪合作到上海拍攝網劇《我和春天有約會》。
鍾慧冰提到當年有傳她因私自接內地劇而遭亞視解約，蔡曉儀直認不諱說：「當時有情緒病，所以做好多事唔係跟常規去做，係有呢個問題。」對於自爆曾遭人落降頭，她稱是一個誤會，並解釋：「其實......我嘅情緒病係思覺失調，呢種情緒病係令我有幻覺，誤會有人以為落咗我降頭，其實唔係真實嘅事。但我幻想出嚟以為真，導致情緒出現好大問題，其實因為情緒病先有咁嘅諗法。」冰姐一臉憂心眉頭緊皺續問：「聽過人話思覺失調係有幻聽同幻覺？」蔡曉儀回答：「係有呢啲，但每個人有唔同，我幻覺以為被人做呢啲咁嘅事，其實係冇，係情緒病出現呢樣嘢。」
對於江美儀在2016年的《兄弟幫》節目中揞名爆料，指有前花旦當年中降頭，是因為做第三者，導致正室跳樓一屍三命。此番言論讓外界不由得聯想到2014年曾自爆中降頭的蔡曉儀，其後蔡曉出面怒轟江美儀在她傷口上灑鹽，江美儀則喊冤自己沒有指名道姓爆料，是蔡對號入座。
事隔多年，蔡曉儀已看淡一切，大方回應謂：「我唔知點解佢會有呢個故仔啦，但當時我係思覺失調以為有人落咗我降頭，但呢啲事冇發生過，但傳傳吓好真。（傳到話係你？)係，後來我解釋返我情緒病有呢啲諗法，但唔係真實。（有冇嬲？）冇，或者佢都誤解咗，所以唔需要擺在心，解釋返ok，因為嬲一個人好辛苦。」
蔡曉儀獲家人陪伴及支持，經藥物治療及休養過後已經康復，如今不需要再吃藥。患病期間，她亦有幫家人打理時裝生意，過無壓力、平凡自由的生活。至於感情生活，蔡曉儀透露現在單身，感情事一切隨緣，但亦有打趣叫冰姐幫忙覓對象，擇偶條件要心地好及有上進心。
點擊睇更多蔡曉儀靚相：
本文作轉載及備份之用 來源 source: http://www.hk01.com
|
鍾意就快D Share啦！
|
|
|